 |
Stadium-ka Emirates ayaa markiisii ugu horreysay tan iyo 2009 martigelin doona semi-finalka Champions League ee ragga, iyadoo Paris Saint-Germain ay Talaadada (8pm UK) kasoo gudbi doonaan kanaalka si ay u wajahaan Arsenal, taasoo qeyb ka ah safarkooda cajiibka ah ee Yurub.
Habayn taariikhi ah oo la sugayo
Kulanka Talaadada wuxuu noqon doonaa mid kamid ah kuwa ugu weyn ee abid ka dhaca Emirates, iyadoo Arsenal aysan guuldarreysan 11-kii kulan ee ugu dambeeyay Champions League ay ku ciyaartay gurigeeda, isla markaana ay shabaqa nadiif ka dhigatay sagaal jeer – oo ay ku jirto guushii 2-0 ahayd ee ka dhan ahayd PSG bishii Oktoobar.
Inkastoo wax badan ay is beddeleen tan iyo markaas, PSG oo dhowaan hanatay horyaalka Faransiiska, ayaa iyaduna halkeeda ka sii wadata riyada ah inay ku guuleysato Champions League markii ugu horreysay taariikhdooda – sida Arsenal oo kale.
Arsenal weligeed lagama adkaan PSG 5-tii kulan ee hore, guul kale oo Talaadada ay gaarto waxay u noqon doontaa bilow weyn ka hor inta aan loo safrin Paris lugta labaad.
PSG: Riyada aan laga adkaan ayaa burburtay
Inkastoo ay waayeen Kylian Mbappe xagaagii hore, PSG waxay si fudud ku hanteen horyaalkii afaraad oo xiriir ah, laakiin riyadoodii ahayd inay dhameystaan xilli ciyaareed aan laga adkaan ayaa burburtay Sabtidii markii ay 3-1 kaga khasaareen Lyon.
Si kastaba ha ahaatee, PSG waxay 20 dhibcood ka sareysaa kooxda ku jirta kaalinta labaad (Marseille), waxayna wali haystaan fursad ay ku qaadi karaan saddex koob, maadaama ay finalka koobka Faransiiska la ciyaari doonaan Reims.
Laakiin PSG ma fiicna kulamadii u dambeeyay – hal guul ayaa ka haysata afartii kulan ee ugu dambeysay dhammaan tartamada, taasoo ay ku jirto guuldarro kale oo Champions League ah – midii shanaad ee xilli ciyaareedkan.
Hadallada Tababarayaasha
Mikel Arteta:
"Waxaa la dareemayaa tamar iyo farxad gaar ah. Waa mid kamid ah kulamada ugu weyn ee Emirates lagu ciyaaro tan iyo markii la dhisay. Waxaan dhiseynaa taariikh – laakiin waxaan rabnaa wax intaa ka badan."
"Waxaa muhiim ah in ciyaartoydu si buuxda isu muujiso. Waa waqtigii lagu tusi lahaa cidda aan nahay.”
Luis Enrique:
"Waxaan daawaday ciyaartii hore. PSG hadda waxay ka xoog badan tahay sidii hore. Waxaan wajahney marxalad adag, laakiin taasina waxay naga dhigtay kuwo dhammaystiran."
"Labada kooxoodba waligood ma aysan hanan Champions League. Laakiin waa muhiim inaan ku ciyaarno si maskax furan oo aan ka baqan cadaadiska.”
Wararka Labada Kooxood
Arsenal:
-
Thomas Partey wuu ganaaxan yahay.
-
Jorginho dhaawac ayaa kaga maqan.
-
Ben White iyo Mikel Merino way soo laabteen tababar, laakiin Riccardo Calafiori, Kai Havertz, Gabriel, Gabriel Jesus, iyo Takehiro Tomiyasu way dhaawacanyihiin.
PSG:
-
Luis Enrique wuxuu haystaa koox dhammeystiran.
-
Joogitaanka ciyaartoyda muhiimka ah sida Dembele, Marquinhos, iyo Fabian Ruiz ayaa la sugayaa.
Falanqeyn Taktiko
PSG waxay isticmaalaan 4-3-3, waxayna ku dadaalaan in kubadda ay gacanta ku hayaan, iyadoo Vitinha uu yahay maskaxda khadka dhexe.
Kooxda ayaa leh weerar halis ah oo is-beddelaya, iyadoo Dembele, Mendes, iyo Hakimi ay yihiin xiddigaha ugu weyn dhanka halista.
Si kastaba ha ahaatee, PSG waxaa laga helay daldaloolo gaar ahaan marka cadaadis la saaro. Aston Villa waxay ku guuleysatay inay arintaas ka faa’iideyso.
Xaqiiqooyin & Tiro-koob
-
Arsenal waa guuldarro la’aan 8 kulan oo xiriir ah Champions League (W7 D1).
-
3-dii kulan ee ugu dambeeyay ay la ciyaareen kooxo Faransiis ah, Arsenal waxay ku badisay 11-0 guud ahaan.
-
PSG waxay guuldarreysatay 5 kamid ah 6-dii kulan ee ugu dambeysay ay marti u ahayd kooxo Ingiriis ah.
Xiddigaha La Eegayo:
-
Bukayo Saka: 9 gool iyo 6 caawin Champions League (xilli ciyaareedkiisii labaad).
-
Ousmane Dembele: 7 gool iyo 3 caawin – hal gool uun ayuu ka yar yahay rikoodhkii Mbappe ee hal xilli ciyaareed.
Garsooraha Kulanka
Slavko Vincic – Slovenian, isla markaana ahaa garsoorihii kulankii bishii Oktoobar. Wuxuu sidoo kale dhex-dhexaadiyay final-kii Champions League ee xilli ciyaareedkii hore.
Taariikh Kulammadii Hore
-
Arsenal weligeed lagama adkaan PSG, 5 kulan oo ay wada ciyaareen.
-
Kulankii ugu dambeeyay ee October 2024, Arsenal waxay 2-0 ku garaacday PSG iyadoo Havertz iyo Saka ay dhaliyeen goolasha.
Daawashada Tooska ah
Barnaamijka Live From N5 wuxuu bixindoonaa warbixino, wareysiyo iyo xiisaha kulanka ka hor, iyadoo la sugi doono xiddigihii hore, fanaaniin iyo marti sharaf kale.
U diyaar garow habeen kale oo taariikhi ah Emirates Stadium – riyada Champions League wuu sii socdaa!
0 Comments